تحيه الى اسرة التعليم
استاذي بلا عـلم مـالي درايــا *** وانتم سبب تنــويرها لذهان
خذيت البلومه غطـستها في دوايا *** وعلمــتني لخوط والكـتبان
و علمـتني كيفـتاش نـبني بنايا *** وعلمــتني لحساب والقـران
و علمتني كـــيفاش نعطي رايا *** ولانخاف لا مالانس لا مالجّان
و علمتني هالـوطن هـو هـنايا *** وعلمـــتني وفسرتلي لركان
الشكر سيدي فـيك موش كـفايا *** و بللي انقول مازال في الوجدان
و خليتني صـنديد صـاحب صايا *** في بحر قوافي عيشتي سلطان
اذا درزت تخاف مـــني عدايا *** كلامي صخر و سيوف لذبحان
و مانـيش ملي يخـتلوا هــزايا *** و مانيش مللي يحقروا الانسان
انا الـذي عــندي بحور مـلايا *** كـلامي ذهب ينـباع بالميزان
كمال اسمــي انتم بيه غـنايا *** عشوري النسب معروف مالفرسان
نقرا سلامي و الســلام وصايا *** سلام ود علّي عـــاليين الشان
سلام ود للّي بـعـاد والي حذايا*** وع الــبر تونس زيــنة البلدان
الشاعر عبد السلام عاشور
